ёки биринчи фарзандни неча ёшда кўрган маъқул?

Савол жуда қизиқ ва муҳими битта жавоб билан бутун масалани қамраб олиш мушкул. Ҳар бир инсоннинг ўз ҳаётий мезонлари борки, мана болали бўлишга вақт келди, дейиш жуда қийин кечади.

Аслида масалага қуйидагича қараш маъқул: бутун жаҳонда 30 ёшдан кейин бола кўриш анъанага айланиб бормоқда. Бу тўғрими ёки тиббиётчилар фикрига қулоқ тутиб ва миллий урф-одатларимизни ҳисобга олган ҳолда мазкур фалсафий ёш чегарасини кутиб ўтирмай фарзандли бўлиш керакми?

Қандай парҳез билан танишманг, унинг асосий шартларидан бири – ширинлик ва ун маҳсулотларини истеъмол қилиш мумкин эмас. Шоколад едингизми, тамом – тишларингизни еб кетадиган кариесдан ташқари вазнингиз ҳам хамиртуруш солинган хамирдек кўтарилиб кетади. Шунинг учун семиришдан қўрққан аёллар тарозига чиқиб, ақлдан озмаслик учун шоколад ва қандолат маҳсулотларидан иложи борича нари юришга интилишади. Аммо олимлар шоколаднинг вазн ортишига таъсирини «бўлмаган гап» дейишмоқда.

Эркакларнинг энг катта орзуларидан бири нима? Қоринни қаппайтириб пиво ичиб, футбол томоша қилишдан ташқари... Дўстлар билан улфатчилик қилиб, қиттай-қиттай қилиш ҳам эмас... Майли, бироз ёрдам бериб юборай – телефонда қўнғироқ қилиб ёки машинада қизларнинг ёнига келиб, гап отишдан мақсад нима? Йўқ, қўл телефонию машинасини мақтаниш эмас. Шуни ҳам билмайсизми – аёллар эътиборини ўзига қаратиб, иложи бўлса, ром этиб олиш... Бунинг учун нима қилиш керак?

Фарзандингизни катталар ҳаёти ва катталар муносабатларига ўргатиш ҳақида ҳеч ўйлаб кўрганмисиз? Эҳтимол, қизингиз ёки ўғлингиз «Болалар қаердан олинади?» каби савол берган бўлса, нима деб жавоб беришни билмай ўзингизни йўқотиб қўйган ҳол ҳам бўлгандир?

Ишқ ва муҳаббат пул билан ўлчанмайди, дейдиган «файласуфлар» орамизда кўплаб топилиши шубҳасиз. Бекорчининг бештасини, йўғ-е, элликтасини ебсиз. Ҳамма нарсанинг бўлгани каби, ягона ошиқ ёки маъшуқасини топишнинг ҳам ўзига яраша харажати бор. Айтайлик, кийими ифлос, ўзига яхши қарамаган йигит қаёқдаю ҳар доим яп-янги ва ярашган кийимларни кийиб юрган, тагида «мерси» бўлган, тайинли ўқишни битириб, тез орада катта лавозимларга кўтарилиши тайинли йигит... Ҳой, қизлар, қаёққа югуриб кетяпсиз, мен сизларга бундай одамни таклиф қилаётганим йўқ, шунчаки мисол тариқасида келтирдим. Ўзингиз кўриб турибсизки, одам бахтли турмушини топиши учун маълум даражада чиқимдан бош товламаслигини мақсадга мувофиқ. Аммо қизлар-чи? Улар эркакларни ром этиш учун неча пулдан воз кечишлари мумкин?

Бу савол кўпчилик аёлларни қизиқтириши табиий. Ахир гўзалларимиз юзларига атир-упа суриши, нафис ҳидли атирларни сепиши, чиройли, баъзида эса ҳатто очиқроқ кийим кийиши (бу ҳолни биз маъқулламаймиз, лекин инсон сифатида тушунишимиз мумкин), керакли вақтда ноз билан қараши ва киприкларининг камони билан асл эркакларни яралаши ҳам бежиз эмас. Бироқ ҳатто бундай ҳийлаю макрлар ҳам ҳар доим фойда беравермайди. Чунки атрофида бу қадар кўп соҳибжамолни кўрган эркак ҳам танлашни хоҳлайди.

Семириб кетиш муаммоси кўпроқ кимларнинг бошини оғритади? Тўғри, аёлларнинг. Бирорта кўйлаги кичикроқ келиб қолса, камарининг тили бир тешигидан иккинчисига силжиса, кўчадаги ёки, худо сақласин, ишхонадаги бирорта одам бошқачароқ назар ташласа, тамом – бошларига мингта ҳаёл келади. Дарров парҳезу ортиқча жисмоний машқларга эътибор кучаяди. Эркакларга-чи? Бу муаммо тўпиғидан юқори кўтарилмайди. Салмоқли қилиб кўрсатяпти, дея ўзларини юпатишадию яшайверишади. Бунинг тагида, маълум маънода, асос борга ўхшайди.

«Хўв, анави, ўша юлдузни сизга олиб бераман!!!» деб дарахт тагида берган ваъдалари эсингиздами? Сиз атайлаб, яхшилаб қарагансиз – тепангиздаги дарахт ёнғоқ ёки жийда эмаслиги аниқ. Лекин, нима бўлдию барибир шайтон эрингизни йўлдан урди-кетди. Ким билади, балки ота-боболаримизнинг гапи нотўғридир? Эҳтимол, шайтон дарахтнинг ёнғоқми у ёки олмалигини суриштириб ҳам ўтирмас ва дуч келганига чиқиб олар? Аксига олиб, ўша куни у айнан сиз ўтирган дарахтга чиқиб олган бўлса-я? Ахир эрингизнинг ваъдасини бунчалик тез эсдан чиқарганига яна қандай важ бўлиши мумкин? Ҳа, айтганча, ўзингизнинг оёғингиз оғирми, ишқилиб? Оғироёқмисиз, деб сўраётганим йўқ, аксинча, енгилоёқмасмисиз, деб сўраяпман? Тағин, ким билади, дейман-да. Ахир тадқиқотлар ёлғон кўрсатмайди-ку...