Мана янги 2011 йил ҳам кириб келди. У қандай бўлиши номаълум, аммо ҳар доимгидек, ундан ҳаммамизнинг умидларимиз катта. Янги йилни биринчи бўлиб Янги Зеландия ва Австралия кутиб олди. Сиднейдаги фейерверк дунёдаги энг ажойиб ва даҳшатли, яхши маънода албатта, мушакбозликдан бирига айланди. Нью-Йорк эса энг сўнггилар қаторида янги йилга эшик очди. Биргина Таймс-сквернинг ўзида нақд яримтунда қарийб ярим миллион киши тўпланди. Хуллас, минг марта эшитгандан кўра... қуйидаги фотосуратларни кўрган афзал.

Қум одамга ёқмаслиги, этни жунжуктириши ва ҳатто болаларни қўрқитиши ҳам мумкин. Бунинг учун у совуқ бўлиши ёки ундан бирорта қисқичбақа ёхуд қандайдир ҳашарот ўрмалаб чиқиши шарт эмас. Шунчаки қумдан ёқимсиз ҳайкалларни ясашнинг ўзи кифоя.

Дунёда нималарни эшитмайсиз. Интернетни очсангиз, турли никоҳларга дуч келасиз. Мисол учун, Америкада ҳайкалларни бир-бирига уйлантиришгани ҳақида хабар тарқалганди. Турли ҳайвонлар билан турмуш қурганлар ҳақида мисоллар кўп. Аммо мана бу янгилик ўзига хослиги билан ажралиб туради.

«Ёшлар» телеканали орқали намойиш этилган «Ҳаёт-мамот» (Lost) телесериалининг ашаддий ишқибозлари сериал муҳитини яратиш учун ҳар нарсага тайёр. Бўлмасам, Коста-Рикадаги ушбу меҳмонхонани яна қандай тушунтириш мумкин. Эсингизда бўлса, ушбу сериал сюжети бўйича турли мақсадлар билан самолётда учиб кетаётган одамлар авиафалокатга учрашади ва бир қарашда кимсасиз туюлган оролга тушиб қолишади. «Коста Верде» меҳмонхонасини яратган одамлар ҳам ўз меҳмонхонлари учун худди шундай қиёфа ҳадя этишди.

Дунёда борган сари архитектура мўъжизалари кўпайиб бормоқда. Бу жиҳатдан Дубай алоҳида ажралиб турибди. Бу ерда қурилаётган деярли ҳар бир янги иншоотни янги дунё мўъжизаси деб бемалол аташ мумкин. Ер билан яксон бўлган ҳақиқий дунё мўъжизаларини қайта қуриш ва тиклаш ғояси ҳам айнан Дубайда илгари сурилгани бежиз эмас. Аммо бошқа осиёлик давлатлар ҳам араб давлатидан ортда қолишни исташмаяпти. Мана Сингапурда ҳам тўрт йил давом этган улкан қурилиш ниҳоясига етди. 55 қаватдан иборат 200 метрдан ортиқ баландликка эга бўлган Marina Bay Sands отели яқинда фойдаланишга топширилди.

Турли денгиз ва океанларда одамлар улкан маҳлуқлар билан учрашгани ҳақида кўп бор эшитганмиз. Ота-боболаримиз ҳам қоронғуда сув лабига яқинлашишнинг оқибати ёмон эканини кўп бора таъкидлашган. Бироқ уларнинг гапларига шунчаки афсона деб қарайдиган бўлсак, дунёнинг кўплаб бурчакларида денгиз маҳлуқларини кўришгани ҳақидаги миш-мишларга нима деймиз? Биргина Лох-Несс маҳлуқи ҳақида деярли ҳамма эшитишга улгурди. Мана яқинда шунга ўхшаш яна бир воқеа рўй берди.

 

 

Қўлида фотокамера кўтариб, янги келин-куёвни суратга оладиган сураткашларнинг ҳам иши хатардан холи эмас экан. У фотокамерасининг тугмасини босаётганда ҳаётини қанчалик хавфга қўяётганлигини ўзи ҳам билармикин? Бевосита тўйнинг ўзида уни ўлдириб қўйишлари мумкин, деган гапимга нима дейсиз? Йўқ, унинг суратлари ёмон чиққани ёки умуман плёнкани куйдириб юборгани учун калтак зарбидан фоний дунёга жўнамайди. Ёхуд бировларнинг рафиқасига кўз қисиб, «сиздан фотомодель ясайман» дея фотосалонига чақиргани учун ҳам эмас. Аслида эса бу гапларнинг тагида ҳам жон борга ўхшайди. Шунчаки «ҳозир қуш учиб чиқади» деб «чиқ» этиб суратга олмоқчи бўладию «пақ» этган товушдан нарига дунёга жўнавора қолади.

Янгиланган (01.08.2010 21:35)