Марҳамат



Реклама
Матбуот янгиликлари
ORZU.UZ - Полиграфия и дизайн. Камин-пресс - офсетная печать в оперативно сжатые сроки – это основная деятельность нашей компании. Мы всегда по хорошему «заряжены» на работу с клиентами. Определив конечные цели, мы движемся к ней на максимальной скорости «на всех парусах».
Сўровнома
Энг яхши юлдузли жуфтликлар
 
Обуна бўлинг
feed-image

  • Рўйхатдан ўтиш ва материал қўшиш

    Сайтимиз очилганидан буён ҳар куни сайтимизга кўплаб одамлар киришмоқда. Бу биз учун жуда қувонарли. Бироқ нима учундир ҳеч ким рўйхатдан ўтгиси ва материалларга шарҳ қолдиргиси ёки сайтимизда ўзининг мақоласини чоп этгиси келмаётганлиги одамни ажаблантирарди. Кейинроқ аниқланишича, кўпчилик сайтимизда рўйхатдан ўтган, лекин бу жараённи охирига етказмаган экан. Шунинг учун бу ҳақда тўлиқ маълумот беришга қарор қилдик.

    Батафсил...

postheadericon Кино

postheadericon Grammy Awards 2011 мукофоти тақдим этилди

15.02.2011 10:16 | Муаллиф: Наримон Таржимон

Grammy Awards 2011

Лос-Анжелесда «Грэмми» мусиқий мукофотини тақдим этишга бағишланган Grammy Awards 2011 тантанаси бўлиб ўтди. Бу «Грэмми» мукофотининг 53-маросими эди. Жорий йилда кутилмаганда Lady Antebellum кантри гуруҳи энг кўп мукофотни қўлга киритди. Гуруҳ бешта ҳайкалчани ўзи билан олиб кетди. Улар орасида «Need you now» қўшиғи, худди шундай номдаги альбом ва энг яхши ёзув учун мукофотлар берилди.

Олти мукофотга номзод Леди Гага (Lady Gaga) Америка овоз ёзиш академиясининг учта мукофотига сазовор бўлди. Хонандани «Поп мусиқадаги энг яхши аёл вокали», «Энг яхши мусиқий қисқа видео» («Bad Romance» композицияга ишланган клип) ҳамда «Поп мусиқадаги энг яхши вокалли альбом» («The Fame Monster») учун муборакбод этишди.

«Оммавий қўшиқларнинг энг яхши эркак ижрочиси» учун мукофотни Гавая қўшиқчиси Бруно Марс (Bruno Mars) олди, йилнинг энг яхши альбоми деб Arcade Fire канадалик инди-рок-гуруҳининг «The Suburbs» диски тан олинди.

Қуйида ушбу маросимдан олинган фотосуратлар билан танишасиз.

Янгиланган (24.02.2011 12:39)

 

postheadericon 2011 йил «Олтин глобус» маросими

18.01.2011 08:10 | Муаллиф: Наримон Таржимон

Беверли-Хиллзда "Олтин глобус" мукофотининг 68-тантанали тақдим этиш маросими бўлиб ўтди. Унда мукофот ғолиблари эълон қилинди.

18.jpg

Кўнгилочар индустрияни ривожлантиришга қўшган улкан ҳиссаси учун мукофот Роберт де Нирога тақдим этилди. «Жамоат тармоғи» фильми энг яхши деб тан олинди.  Энг яхши актриса деб «Қора қуш» фильмида суратга тушган Натали Портман, актёр деб эса Колин Ферт («Қирол сўзлайди!») овоза қилинди. «Кичкинтойлар аҳволи яхши» фильми энг яхши комедия бўлди. Лучшей песней к фильму стала композиция Шер для фильма «Бурлеск» фильмида янграган хонанда Шернинг "You have not seen the last of me" қўшиғи фильмнинг энг яхши қўшиғига айланди, энг яхши саундтрек учун мукофот эса «Жамоат тармоғи» фильми бастакорлари Трент Резнор ва Аттикус Росс қўлига тегди. Энг яхши драматик сериал - Мартин Скорсезе томонидан ишланган гангстерлар тўғрисидаги «Яширин салтанат» сериали бўлди (HBO телеканали).

Давомида мукофот маросимидан олинган бошқа фотосуратлар билан танишасиз.

Янгиланган (21.01.2011 12:07)

 

postheadericon Инсон хатоси туфайли рўй берган «афсун»

11.01.2011 16:27 | Муаллиф: Катта Моран

Йилнинг хатолари энг кўп фильмлари рейтинги

iron man

Физиканинг асосий қонунларидан бирида айтилишича, бордан йўқ, йўқдан бор бўлиши мумкин эмас. Ҳеч бир вазиятда, ҳеч қанақасига. Ҳатто бошлиғингиз айтган бўлса ҳам, тимсоҳ пастлаб учса – учадики, бордан йўқ бўлиши ҳечам мумкин эмас. Бу ҳодиса фақат Гарри Поттер оламида рўй бериши эҳтимолдан холи эмас.

Батафсил... Шарҳ қўшиш

Янгиланган (11.01.2011 16:34)

 

postheadericon Юлдузларни хафа қилиш осон

11.01.2011 10:50 | Муаллиф: Мерседес

 

Том Круз ва Кэти Холмс

Юлдузларнинг жаҳли бурнининг учида эмас, ундан бир қарич нарида жойлашган. Хафагарчилиги ҳам ундан узоқда эмас. Рост-да, ахир улар шуҳрат зинапоясидан кўтарилгунларича қанчадан қанча қийинчиликларни енгишга тўғри келган. Энди бўлар-бўлмасга хафа бўлиб қолишга ҳам рухсат. Мисол учун, шу кунларда юлдузли эр-хотин Том Круз ва Кэти Холмс актриса Энн Хэтэуэйдан хафа бўлиб қолишди. Воқеа шунгача етиб бордики, Том ва Кэти жорий йилда бўлиб ўтадиган «Оскар» тантанасида қатнашишдан ҳам бош тортишмоқда.

Батафсил... Шарҳ қўшиш

Янгиланган (11.01.2011 17:54)

 

postheadericon Брэд Питт ва Анжелина Жоли: уларнинг муносабатлари ўзгарди

02.01.2011 09:42 | Муаллиф: Мерседес
Брэд Питт ва Анжелина Жоли

Ниҳоят бу воқеа содир бўлди. Брэд Питт ва Анжелина Жоли... йўқ, ажрашишмади, аксинча, ўз муносабатларини қонунийлаштиришди. Бу хабарни ўқиган кўпилик ҳайрон қолиши мумкин, ахир Питт ва Жоли олти нафар фарзандни тарбиялашмоқда. Расман эса улар ҳатто эр ва хотин эмасди. Шу пайтга қадар...

Батафсил... Шарҳ қўшиш

Янгиланган (12.01.2011 15:47)

 

postheadericon Диснейни орзу қилиш вақти келди

31.12.2010 15:57 | Муаллиф: Катта Моран
Disney Dream

Дисней ҳақида нималарни биламиз? Кўнгилочар томошалар, болалар учун махсус қувонч боғлари, шоу-бизнеснинг турли қирралари мазкур ном билан бевосита боғлиқ.
Батафсил... Шарҳ қўшиш

Янгиланган (29.12.2010 16:10)

 

postheadericon MTV Video Music Awards маросими

13.09.2010 15:41 | Муаллиф: Наримон Таржимон
MTV Video Music Awards
Куни-кеча Лос-Анжелесдаги Nokia Theatre залида MTV Video Music Awards мукофотлари билан тақдирлаш маросими бўлиб ўтди. Кутилганидек, хонанда Леди Гага (Lady Gaga) энг катта шов-шувга сабаб бўлди. У 13 номинациядан 8 тасини қўлга киритди. Булар «Йилнинг энг яхши видеоси», «Йилнинг энг яхши поп-видеоси», «Аёл хонанданинг энг яхши видеоси», «Энг яхши ҳамкорлик», «Энг яхши рақс видеоси», «Энг яхши хореография», «Энг яхши режиссура» ва «Энг яхши монтаж» учун мукофотлар. Эркаклар орасида Эминем (Eminem) ажралиб турди. У «Эркак хонанданинг энг яхши видеоси» ва «Йилнинг энг яхши хип-хоп видеоси» номинацияларида ғолиб деб топилди.
Батафсил... Шарҳ қўшиш

Янгиланган (15.09.2010 16:01)

 

postheadericon Энг зўр мультфильм қайси?

19.08.2010 13:42 | Муаллиф: Кимсан Биров

Toy Story 3

«Ўйинчоқларнинг бошдан кечирганликлари» (Toy Story) vs «Шрек» - қай бири зўр? Бу ўринда vs нима маънони беришини биласизми? Агар Mortal Kombat ёки Tekken каби ўйинларни ўйнаган бўлсангиз, тушунишингиз керак. Бу қарама-қаршилик, ким ўзарликни билдирадиган қисқартма бўлиб, лотинча versus сўзидан олинган. Хўш, юқорида айтилган анимацион тасмалардан қай бири ғолиб бўла олади?

Батафсил... Шарҳ қўшиш

Янгиланган (19.08.2010 10:49)

 

postheadericon Жангари фильмларнинг энг зўр актёри

17.08.2010 12:33 | Муаллиф: Наримон Таржимон
Сильвестр Сталлоне, Брюс Уиллис, Шварценеггер

Кейинги йилларда асл жангари фильмларнинг бозори анча сусайди. Фантастик фильмлар ва кинокомикслар пешқадамликни забт этган жорий вақтда жангари фильмларга талаб ниҳоятда камайди. Зеро, катта маблағ эвазига олинаётган юқоридаги фильмларда ҳам жангари, ҳам романтика, ҳам драмани учратиш мумкин. Натижада ўтган аср охирида чўққида юрган жангари фильмлар борган сари кам суратга олинмоқда. Шунинг учун бўлса керак, экшн жанридаги фильмларнинг энг яхши актёрларини танлашда европаликлар ўтган асрнинг киноюлдузларига устунлик беришди.

Батафсил... Шарҳ қўшиш

Янгиланган (17.08.2010 12:51)

 

postheadericon Болливуднинг энг гўзал актрисалари ўнлиги

16.08.2010 12:56 | Муаллиф: Балли Вудс

Мана неча ўн йилдирки, ҳинд кинолари диққатимизни ўзига тортади. Буви-буваларимиз, ота-оналаримиз Раж Капур ва Шридевининг фильмларини мароқ билан томоша қилган бўлишса, ҳозир ҳам куй-қўшиққа бой ҳинд фильмларининг ишқибозлари талайгина топилади. Айтишларича, ўша вақтда ҳам Ҳиндистон фильмларида роль ижро қилган актрисаларни гўзаллик шоҳсупасига кўтаришган. Бугунги кунда эса бу айни муддаодир, чунки Болливуд кинофильмларида ҳақиқатан ҳам дунё тан олган гўзаллар суратга тушмоқда.

Янгиланган (16.08.2010 13:09)

 

postheadericon «2010 Teen Choice Awards» мукофотлари топширилди

13.08.2010 16:04 | Муаллиф: Наримон Таржимон

Церемония вручения наград

Америкада нима кўп – турли мукофотлар кўп. Айниқса, шоу-бизнес ва спортга тааллуқли. Америкаликлар уларни «awards» - «авардс» деб аташади. Ҳар бир канал ва нашрнинг ўз мукофоти бўлиши билан бирга, бошқа мукофотлар талайгина. Мана яқинда – жорий йил 8 августида Калифорния штатининг Юниверсал Ситисида жойлашган «Гибсон Амфитеатр» залида «2010 Teen Choice Awards» мукофотининг тантанаси бўлди. Ўз номидан кўриниб турибдики, мазкур мукофот эгаларини ўсмирлар танлашади. Мукофот лауреатлари соврин сифатида серфинг тахталари билан мукофотланади.

Батафсил... Шарҳ қўшиш

Янгиланган (13.08.2010 16:42)

 

postheadericon Америкалик қалб ўғрилари

10.08.2010 14:31 | Муаллиф: Мерседес
Америкалик қалб ўғрилари

Улар иштирокидаги кинофильмлар ёки клипларни томоша қилган ҳар қандай андозадаги эркак турли ишқий ҳаёлларга берилиши табиий. Бирининг бўлмаса, бошқасининг жодуларидан қутулиб қолиши амри маҳол. Улар эса эркакларни осон бўйсундиришларини билгани ҳолда бу фазилатларидан моҳирона фойдаланишади. Уларнинг ишқий саргузаштлари ҳақида афсоналар тўқилиб, шов-шув солмаган нашр ва каналлар йўқ ҳисоби. Ҳар бири романтик телесериал сюжетига бемалол айланиши мумкин. Хўш, улар ким ўзи? Миллионлаб йигитларни ром этган, бир неча эркакнинг юрагини олиб, шафқатсизларча парчалашга улгурган, энди эса яна эринмай жоду тўрларини тўқишни давом эттиришмоқда.

Батафсил... Шарҳ қўшиш

Янгиланган (10.08.2010 14:57)

 

postheadericon Голливуднинг энг катта сири

09.08.2010 15:27 | Муаллиф: Наримон Таржимон
Энага

Юлдузларнинг энг махфий, яширин, ўзларининг гапи билан айтганда, суперсири нима эканини биласизми? Гўзаллигини қандай сақлаб қолиши, дейсизми? Йўқ. Кейинги анжуманга қандай кийимда келишими? Бу эмас. Ўтган ҳафтада папараццига билдирмай, ким билан учрашганими? Яна тополмадингиз. Майли, сизни қийнамай, ичингизни қиздирмай, ўзим айтиб қўя қолай – юлдузларнинг ҳаммадан яширадиган энг катта мегасири...

Батафсил... Шарҳ қўшиш

Янгиланган (09.08.2010 14:34)

 

postheadericon Ашаддий бўйдоқ уйланишга рози

09.08.2010 11:56 | Муаллиф: Мерседес
di caprio

Голливудда никоҳ ва турмуш ҳақида сўз очилганида тепа сочи тикка бўлиб, ўзини панага олиб қочадиган бир неча юлдуз бор. Уларни дунёнинг энг соҳибжамол аёллари билан маълум вақт давомида кўришганида, табиийки, журналислар ниҳоят ўз бахтини топди ва энди тўйдан ҳеч қаёққа қочиб қутулолмайди, деб ҳукм чиқаришадию ҳар сафар бурунларини тишлаб қолаверишади.

Шундай бўйдоқлардан бири Жорж Клунини кимларга «уйлантириб» қўйишмади, дейсиз. Энг ёрқин юлдузлардан тортиб, ҳатто оддий қаҳвахонадаги официант қизгача кўплаб аёллар унинг «қайлиғи» сифатида эълон қилинди. Аммо ҳозирги пайтгача Клуни барча миш-мишларни йўққа чиқариб, ҳалигача бошини икки қилишга рози бўлмади. Америка актёрлари орасида яна бир шундай ашаддий бўйдоқ борки, қандай гўзал билан юрмасин, ҳар сафар сувдан қуруқ чиқиб келаверарди.

Батафсил... Шарҳ қўшиш

Янгиланган (09.08.2010 12:01)

 

postheadericon Американинг энг қадрли актрисаси

06.08.2010 09:15 | Муаллиф: Кимсан Биров
sandra bullock

«Бир кишига уч нарса бир пайтда берилмайди – соғлиқ, бахтли турмуш ва ишдаги муваффақият», деган гапларни эшитганимда ҳайрон бўлардим. Бу дунё бир кам бўлса, Арнольд Шварценеггер ва Билл Гейтс кабиларда бир пайтда уччови ҳам бор-ку?! Лекин баъзи ҳолларга дуч келганимда юқоридаги гап тагида асос борлигига ҳам ишонч ҳосил қиламан. Мисол учун, Голливуд актрисаси Сандра Баллокни анча айтгача ҳамма ёдидан чиқарганди. Ижро этган ролларини кўпчилик пайқамас, аксарият киномухлислар унинг даври ўтиб кетди, энди ёш актрисалар кириб келгач, унга бу соҳада тўйимли нон бўлмайди, деб ҳисоблашарди. Бу пайтда унинг шахсий ҳаёти маромида борар, турмуш ўртоғи билан бахтли умр кечирарди.

Батафсил... Шарҳлар (2)

Янгиланган (06.08.2010 10:23)

 
Яна мақолалар...

Webdesign aus Tirol designed by PC-DIDI.