Жанубий Африка Республикасида футбол бўйича жаҳон чемпионати давом этмоқда. Бугунги кунда ҳамманинг эътибори асосан ўйин ва уларнинг натижаларига қаратилган бўлса-да, биз футбол атрофи ҳаётига, яъни ўйинчиларнинг энг соҳибжамол рафиқалари ва маъшуқалари ҳақида сўз юритмоқчимиз. Ахир атрофида гўзаллар парвона бўлганда янада юқорироқ натижаларни кўрсатишга ким ҳам интилмайди дейсиз. Улар орасида мундиални гуруҳ ўйинлариданоқ тарк этишга улгурган ўйинчиларнинг турмуш ўртоқлари ҳам бор. Бу уларнинг нақадар эътиборсизлигидан далолат берса керак. Ким билади «ёнингдан оққан сувнинг қадри йўқ» мақоли уларга ҳам қисман тааллуқлидир.

Елена Бонцанни

Швейцария терма жамоасининг ярим ҳимоячиси Валон Бехрамининг рафиқаси. Улар Римда танишиб қолишди, бу вақтда футболчи «Лацио» жамоаси учун тўп сурарди. Валон оқшом маросимларидан бирига келганида уларни таништириб қўйишди. Елена модель бўлиб ишлайди, лекин қатор буюртмаларга қарамай, эри билан Лондонга кўчишга рози бўлган.

Испаниянинг иккинчи дарвозабони Хосе Рейнанинг рафиқаси. Футболчи 19 ёшида Иоланда билан танишиб қолган, бу вақтда Хосе «Вильярреал» жамоасининг рангларини ҳимоя қиларди. Ўйинчига «Ливерпуль» жамоасидан таклиф тушганида клубда кўплаб испан футбол оилалари бўлгани сабабли Иоланда Англияга кўчиб ўтишга розилик билдирган.

Испания терма жамоаси ҳимоячиси Серхио Рамоснинг дугонаси. Элизабет «Испания гўзали 2006» гўзаллик танловида ғолиб бўлган. Лекин бу ҳол ҳам футболчининг қалбини ром этишга имкон бермади. Шунда аёл ўз мақсадига эришиш йўлида ҳеч нарсадан тап тортмаслиги ва ўйлаган ниятига албатта эришишини намойиш этди. У ўйинчини аввалига Испаниянинг машҳур модели Каролина Мартинесдан, кейин эса Серхионинг кўп йиллик таниши Бланка Ромеродан тортиб олди. Шуни ҳам таъкидлаш жоизки, Рамос қизнинг қўлини ҳали расман сўраганича йўқ, лекин жаҳон чемпионатида муваффақиятли ўйин кўрсатгудек бўлса, футболчи бўйдоқлик ҳаётидан воз кечишга тайёр эканлигини эълон қилган.

Мексика терма жамоасининг ҳужумчиси Каутемока Бланконинг рафиқаси. Ватанида Галилеа ҳақиқий суперюлдуз саналади. У кўплаб сериалларда суратга тушишга, машҳур телешоуларда қатнашишга улгурган. Ҳозирги пайтда эса катта кино оламини забт этишга бел боғлаган ва Мексиканинг машҳур режиссёрлари фильмларида кўзга ташланмоқда. Голливудга чақиришлари ҳам ҳеч гап эмас.

Голландия терма жамоасининг хавбеки – Рафаэль ван дер Вартнинг турмуш ўртоғи. 18 ёшида қиз таниқли кастинг-агентлик эшигини қоқиб келган ва ўша вақтдан бери телевидение ходимларининг назаридан тушгани йўқ. Ҳозирги пайтда Сильвия Голландиянинг энг машҳур аёлларидан бири ҳисобланади ва барча рейтингларда мамлакатнинг энг гўзал учлигидан ўрин эгаллайди.

Англия терма жамоасининг ҳимоячиси Эшли Коулнинг рафиқаси Шерил Британияда аллақачон машҳур. У афсонавий Spice Girls давридан кейинги энг машҳур аёллар гуруҳи – Girls Aloud юлдузи ҳисобланади. Бундан ташқари у энг қиммат моделлардан бири бўлиб, кўплаб компанияларнинг реклама чеҳрасидир. Ҳозирги пайтда Шерил кўплаб нашрларнинг рейтинглари бўйича сайёрамизнинг энг соҳибжамол аёлларидан бири деб тан олинган, етакчи футболчи билан никоҳи туфайли эса Буюк Британияда машҳурлиги янада ортди.

Испания терма жамоасининг дарвозабони ва сардори Икер Касильяснинг турмуш ўртоғи. 2003 йилда Ева «Испания гўзали» танловининг ғолибаси бўлди, кейин эса мамлакатида ҳақиқий юлдузга айланди. Ватанида Гонсалес-Касильяс энг гўзал жуфтликлардан бири ҳисобланади ва машҳурлиги жиҳатидан юлдузли актёрлар – Пелелопа Крус ва Хавьер Бардем жуфтлигидан қолишмайди. Моделликдан ташқари қиз телевидениеда катта иш бошлаб юборди ва таниқли реалити-шоуни олиб боришга рози бўлди.

Италия терма жамоаси дарвозабони Жанлуиджи Буффоннинг хотини Алена Прагада туғилган ва «Жаҳон гўзали» танловида иштирок этган. Бўйи 182 сантиметр бўлган қиз оёқларининг узунлиги нақд 118 сантиметрни ташкил қилади. Середова ойнаи жаҳон орқали катта машҳурликка эришди ва Италия киносида қатор ролларни ижро этишга ҳам улгурди. Буффонга турмушга чиққач, Алена Италиянинг энг машҳур аёлларидан бирига айланди. Яқинда эса Жеймс Бонд ҳақидаги янги фильмда машҳур жосуснинг ишқий эътиборига номзод бўлди.

Уругвай терма жамоаси форварди Диего Форланнинг рафиқаси. Унинг опаси ҳам аргентиналик ҳужумчи Макси Лопесга турмушга чиққан, эҳтимол, футболчиларга қизиқиш Заирада ана ўшанда пайдо бўлгандир. Форлан эса Мадридда 19 ёшли Заирани кўриб қолганида ақлдан озиб қолган, дейишади жуфтликни яқиндан танийдиган одамлар.

Англия терма жамоаси ҳужумчиси Питер Краучнинг хотини. Аёл машҳур футболчига турмушга чиқмасидан аввал ҳам етарлича машҳур бўлган. 2006 йилда Britain Next Top Model нуфузли телетанловида Эбигейл финалга йўлланма олган 30 нафар моделлардан бири эди. Бундан сўнг қизни журнал ва рекламага кўплаб таклиф қила бошлашди.