Жонатан Свифтнинг «Гулливернинг саргузаштлари» китобини ўқиганмисиз? Унда оддий бир одам аввалига митти одамлар, сўнгра улкан одамлар орасига тушиб қолади, ростини айтганда, унинг саёҳатлари шу билан тугамайди, зеро, китобни ўқиган бўлсангиз, буни ўзингиз ҳам яхши биласиз. Ўқимаган бўлсангиз... Нима деймиз, бундай одамлар ҳам учраб туради орамизда. Хуллас, Minimiam жуфтлиги ҳам Свифтнинг асаридан илҳом олган бўлса, ажабмас. Жуфтликнинг қуйидаги ишларини кўрган одамлар бунга ишонч ҳосил қилишади.

Француз йигит Пьер Жавелль (Pierre Javelle) ва япон қиз Акико Ида (Akiko Ida) ижодий жуфтлиги Minimiam номи билан машҳур. Акико ёшлигидан гастрономияга муккасидан кетган бўлса, Пьер комикслар ва сураткашликсиз яшай олмасди. Икковлон Париж санъатлар мактабида учрашиб, танишиб қолишди. Кейин эса...

Нима учун мазкур митти одамчалар овқатларда «яшаётганлигини» энди тушунган бўлсангиз керак. Ахир Акико ўз ишларида ўзи ёқтирган олам – гастрономияни қўшиб қўймаса бўлмайди-да.

Жуфтликнинг расмий сайти